Jab us k dar se main utha malaal koi na tha
Key meri jholi main baqi sawaal koi na tha
Bahaar ay’ii to apna siwaeey zindaan key
Tamam shehar main preshan haal koi na tha
Kahan se la k bichaey tumhari raah main phol
K daal daal to kiya khaal khaal koi na tha
Wo din theek thay jab dil main rut badalne ka
Guman o khuwab yaqeen o khyal koi na tha
Yaqeen kar k teri aankh uthney se pehle
Meri nigah k sheshay main jaal koi na tha
Hua jo youn to ye khobi teray hunar ki thi
Meri wafaon main mera kamal koi na tha
No comments:
Post a Comment