aaj ke daak say kaya koye lafafa aya ?
kaisi sargooshi kartay hoo, aray kaya logo ?
koye payghaam e zubani bhi nahi, kuch bhi nahi
hum nay apnay ko bohat dair sambhala logo
band anhain hoi jaati hain, pisaarain paoon
neend see neend ? humain ab na uthana logo
aik he shab hai, taveel, itni taveel, itni taveel
apnay ayaam mein amrooz na farda logo
aab koye aye tu kehna kay, musafir tu gaya
yeah bhi kehna keh, bhala ab bhi na jata logo
rah tuktay howay pathra see gai theen ankhain
aah bhartay howay chalni howa seena logo
hoont jaltay thai jo layta tha kabhi aap ka naam
iss tarhaan aur kissi ko na saatana logo.
No comments:
Post a Comment